ၶေႃႈယိူင်းဢၢၼ်း လႄႈ တၢင်းမုင်ႈႁၼ်မိူဝ်းၼႃႈ (Aim & Vision)

ၶေႃႈယိူင်းဢၢၼ်း

1. ၼင်ႇႁိုဝ်တေပဵၼ်တၢင်းၵမ်ႉထႅမ် ပုၼ်ႈတႃႇပိုၼ်ႉထၢၼ် ၸိူဝ်းဢၼ်ပီႈၼွင်ႉၽူႈသူင်ၸႂ်ၽၢႆႇဢၢႆႇထီႇၶွမ်း (Computer IT) ႁဝ်းၶဝ် ႁႂ်ႈပေႃးသွၵ်ႈႁႃ (Search) သေၸၼ်လူတ်ႇ (Download) ၶိူင်ႈၶွမ်း (Software) လႆႈငၢႆႈꧦၵေႃႈပိူင်ၼိုင်ႈ။
2. ၼင်ႇႁိုဝ်လွင်ႈပၢႆးဢၢႆႇထီႇ (IT) တႆးႁဝ်း ပေႃးတေၶိုၼ်ႈသၢင်ႉၶိုတ်းၸွမ်းၵၢပ်ႈပၢၼ်မႂ်ႇ လႄႈ မေႃၸႂ်ႉတိုဝ်း           ၶွမ်ႇၽိဝ်ႇတိူဝ်ႇ (Computer) တိူဝ်းၼမ်မႃးလိူဝ်ၵဝ်ႇသေဢမ်ႇၵႃး ၼင်ႇႁိုဝ်ၶိူင်ႈ Software ၼႆႉ ပေႃးတေ      ၸၢင်ႈၸႅၵ်ႇၽႄႈပၼ်ၵၼ်လႆႈၼမ်ꧦၼၼ်ႉသေလႄႈ ၸွမ်းၼင်ႇယိုၼ်းႁူႉႁၼ် ထိုင်လႆႈၼၼ်ႉ ၸင်ႇလႆႈၸူႉ    တွမ်ၵဵပ်းႁွမ်ၶိူင်ႈၶွမ်း (Software)၊ ငဝ်းတူင်ႉပူင်သွၼ် (Tutorial Video) လႄႈ တၢင်းႁူႉပိုၼ်ႉထၢၼ်ဢၢႆႇထီႇ (Computer IT General Knowledge) တႄႇၵႂႃႇၼႆႉသေ ၶပ်းၶိုင် ဝႅပ်ႉသၢႆႉ (Website) ပိုၼ်ၽႄပၼ်တႃႇပီႈၼွင်ႉႁဝ်းၶဝ်ၼႆႉယူႇယဝ်ႉ။
3. ၶိူင်ႈ Software လႄႈ Mac Os / Win Os Version မၼ်းတႄႉ ဢိင်ၼိူဝ်ၽူႈၶူင်သၢင်ၶဝ်သေ တေၸၢင်ႈလႅၵ်ႈလၢႆႈ Update ၶိုၼ်ႈမႃးမိူဝ်ႈလႂ်မိူဝ်ႈၼၼ်ႉယူႇ၊ ၵူၺ်းၵႃႈ ၸွမ်းၼင်ႇပဵၼ်လႆႈၼၼ်ႉၵေႃႈ တေၸၢင်ႈၽိူမ်ႉ Update ပၼ်ပီႈၼွင်ႉႁဝ်းၶဝ်ယူႇ။ 

တၢင်းမုင်ႈမွင်းမိူဝ်းၼႃႈ

        တၢင်းမုင်ႈႁၼ်မိူဝ်းၼႃႈတႄႉၵေႃႈ ၸွမ်းၼင်ႇႁူႉႁၼ်လႆႈၼၼ်ႉ တေၶတ်းၸႂ်ပူင်သွၼ် လႄႈ ၸႅၵ်ႇၽႄပိုၼ်        ၽၢဝ်ႇၼေလွင်ႈပၢႆးဢၢႆႇထီႇ (Computer IT General Knowledge) ပၼ်ပီႈၼွင်ႉႁဝ်းၶဝ်ၵႂႃႇယူႇ။

ၶေႃႈၶွပ်ႈၸႂ်

    ၼင်ႇႁိုဝ်တေပဵၼ်မႃးဝႅပ်ႉသၢႆႉꧦတႆးႁိူင်းꧦ www.taihurng.com ၼႆႉ ဢွၼ်တၢင်းယွၼ်းၶွပ်ႈၸႂ်ထိုင် ၵုင်ႇမုၼ်ပေႃႈမႄႈ/သြႃႇၶူးဝႃး ဢၼ်ယၢမ်ႈလႆႈပူင်သွၼ်ၸီႉၼေပၼ်သဵၼ်ႈတၢင်းႁူႉ တႃႇႁႂ်ႈပေႃးသိုပ်ႇပဵၼ်ပၺ်ႇၺႃႇပႃႇရမီႇပုၼ်ႈၵူၼ်းတင်းၼမ်ၵႂႃႇမိူဝ်းၼႃႈၼၼ်ႉသေဢမ်ႇၵႃး သမ်ႉၵိုၵ်းပႃး ယွၼ်ႉၶွပ်ႈၸႂ်ထိုင်ဢၼ်ပဵၼ်ၽူႈၶူင်သၢင်ႈဝႅပ်ႉ-Google-Blogger၊ ၽူႈၶူင်သၢင်ႈထိမ်း-Theme by: Fbthemplate.net၊ ၽူႈသိုပ်ႇႁၢင်ႈၶိူင်ႈ Redesign by: SaoSu (Mong Pan)၊ ၽူႈၵမ်ႉၸွႆႈထႅမ်ၸိုဝ်ႈဝႅပ်ႉသၢႆႉတႃႇၼိုင်ႈပီ 12 Oct, 2020 - 12 Oct, 2021 Domain Name Sponsor by: Mrs Nang Num Htwe လႄႈ ၽူႈၶပ်းၶိုင်-Tai Hurng ၼႆႉယႂ်ႇꧦၼမ်ꧦတေႉယူႇသေ တႅမ်ႈတၢင်ႇမၢႆတွင်းဝႆႉယူႇယဝ်ႉ။

ၶေႃႈၼွမ်း

ယွၼ်ႉၼၼ် သင်ဝႃႈၶိူင်ႈလႂ်ဢမ်ႇၸႂ်ႉလႆႈ၊ ဢမ်ႇမေႃၸႂ်ႉ၊ ၸၼ်လူုတ်ႇဢမ်ႇလႆႈ၊ မီးပၼ်ႁႃသေဢၼ်ꧦ လႄႈ ႁၼ်တီႈၽိတ်းပိူင်ႈၸိူင်ႉႁိုဝ်ၼႆၵေႃႈ ၶႅၼ်ႈတေႃႈဝႆႉၸႂ်မဵတ်ႉတႃႇသေ ဝၢင်းၶႂၢင်ႉပၼ်ယႂ်ႇၼမ် လႄႈ ပၼ်တၢင်းႁၼ်ထိုင်ထၢမ်မႃးၸွမ်းၼင်ႇပၼ်ဝႆႉတီႈၵပ်းသိုပ်ႇလႆႈယူႇၼႆ တေပႂ်ႉယွမ်းၼွမ်း/ႁပ်ႉတွၼ်ႈယူႇ။

==========================

Gmail: taihurng12@gmail.com

FB: www.facebook.com/taihurng

Page Like: www.facebook/taihurng12

Web: www.taihurngblog.blogspot.com

Ph:(+95) 9409847616

Local: Mong Yang Village, Mong Yaw Road, Lashio Tip, Shan State, Myanmar.